Mbrojtësi i Manchester United, Luke Shaw ka thënë lëvdata të mëdha për bashkëlojtarin, Bruno Fernandes, i cili i ka befasuar të gjithë.

Fernandes iu bashkua “Djajve të Kuq” në afatin e janarit nga Sporting Lisbon dhe që nga transferimi i tij, gjiganti anglez është në formë të mrekullueshme, transmeton portali arbresh.info.

I këtij mendimi është edhe Shaw, i cili ka thënë se portugezi është lider në ndeshje dhe në dhomën e zhveshjes.

“Është i mrekullueshëm për ne. Gjëja më e çmendur është se nuk është që një kohë të gjatë, por ka sjell kualitet të madh në fushë dhe në dhomën e zhveshjes. Është lider për ne gjithashtu”, deklaroi ai.

Fernandes në pesë ndeshjet e para në Premierë Ligë ka shënuar tri gola dhe ka kontribuar me dy asistime, derisa ka fituar çmimin e lojtarit më të mirë të muajit shkurt në kampionatin anglez./arbresh.info.